si victoy~

tikboy! tikboy!  sigaw nang isang estudiante doon sa kanyang kaibigan. 

habang naka tambay kami sa waiting shed, dinig namin ang sigaw ng estudiante.  sabi ni jun, nong bata ako, tikboy ang tawag sa akin.  sagot naman ni candy, e ngayong malaki ka na.. nde na tikboy ang tawag sayo… dapat ay victoy na! nyehehehehehe

tawanan ang tropa… kye mula noon, naging victoy na ang tawag namin kay jun! si candy ang nagbansag sa kanya ng pangalan na victoy, at kahit ayaw nia, wala na siang magawa… dahil lahat ng tropa, un na ang tawag sa kanya… at maging sa lugar namin, nakilala na sia bilang victoy. nyehehehehe

si victoy, dati naming kaaway.

bale dalawang tropa sa lugar namin, isa ung sa kanila at isa naman ang sa amin.  kami ung mga batang lamay. sila naman ung mga batang chickboy!  kami ung makukulit at kina aasaran, sila naman ung tamang gentleman at kinababaliwan ng mga gurls.

si victoy, isa sa mga tagapag tanggol ng mga gurls na pinag ti-tripan namin.  isa sia sa kinatatakutan ng mga kabataan sa lugar namin. palaban kasi… malakas ang loob at walang takot makipag away.  talagang sugod kung sugod.

sa tropa namin, walang matapang! puro malakas lang manindak at manduro… pero kapag tutuong away na, parang tandang na native… takbuhin lahat! nyehehehehe

mga gurls lang ang takot sa amin… takot na mabastos at maasar.  dahil kapag napag tripan namin… siguradong kawawa… iyak lang ang aabutin at kadalasan… magsu sumbong sa tropa nina victoy.

basta me patay sa lugar namin, andon kami.  nakiki-kape ng libre, nakiki kain at nagte take out ng mga lafang! ganon kalakas at katapang ang apog at sikmura namin.  nyehehehehe… walang maka angal sa amin… kundi ang tropa lang nina victoy.  kye kapag dumating sila, eskapo na ang grupo.  mahirap ng masukol… at baka bukol pa abutin namin! nyehehehehe

minsan, nagkaroon ng trobol.  napag tripan namin ang isa sa mga tsikababes ng grupo nina victoy.  sakto naman na dumating ang isa sa tropa nina victoy… pinag tanggol ang gurl. dahil nag iisa lang ung lalake, walang nagawa sa amin sa dami namin… bugbog lang ang lalake.

eto na ang masakit… ang resbak! hinanting kami ng tropa nina victoy… kye lielow lang muna kami.  palamig kami sa bahay… doon ang tambayan namin ay may gilid ng haybol namin… sa may hardin na napapaligiran ng punong kahoy, kye nde kita sa loob.  me nakahanda kami lagi na kadena, padlock, at kwatro kantos. 

isang gabi, natunugan ng tropa nina victoy na andon kami nakatambay sa may hardin namin.  bigla kaming pinasok sa loob. tatlo lang sila… pero malalakas ang loob. talagang balak tumira ng isa sa amin.  pagpasok nila, bigla kaming natahimik. naghihintayan lang… kung sino ang unang titira!  biglang lumabas ang ermatz ko… nagulat dahil me ibang tao.  akala bisita ko.  nagpalabas agad ng meryenda! ayun, pinakain ung tatlo… naubos ang spaghetti na pinalabas ni ermatz… nasarapan ang mga gunggong!

tapos, nakipag kwentuhan pa ang ermatz ko… walang kamalay-malay na kalaban namin ung kinakausap nia.  ng medio mainip na si ermatz… pumasok na ng bahay.  ang tatlo… medio nagdalawang isip siguro, nahiya! nde natuloy ang pakay na kumana sa amin.  nakipag areglo na lang!  nakahinga kami ng maluwag! nyehehehehehe

un ang umpisa na mapasama sa tropa namin si victoy.  lagi namin sia ini-invite sa bahay, kainan… inuman… tsongke! sia kasi ang pinaka astig sa tropa nila at sia ang nasusunod.  kaya pag sia ang napunta sa tropa namin, sigurong astig na rin kami… wala ng gagalaw pa sa amin. nyehehehehe

hanggang sa maka vibes namin… at nong huli, batang mental na rin ang kupal.  ung dati niang ka-tropa, wala na!  kami, lalong nadagdagan ang pagiging makulit… wala na ngayon makatira sa amin… kapag me trobol, si victoy na ang pananggalang namin! nyehehehehe